Intombi kaBig Zulu uSiphesihle uzakukhupha okokuqala iingoma zakhe

UBig Zulu ukhokela intombi yakhe ukuba ikhuphe iprojekthi yayo yokuqala yomculo.

Umculo uqhuba ngokucacileyo kusapho lukaBig Zulu nanjengoko intombi yakhe endala, uSiphesihle Nene, ilungiselela ukukhupha iEP yakhe yokuqala xa ineminyaka eli-15 kuphela ubudala.

Umdidiyeli wengoma ethi Imali Eningi akakwazanga ukufihla imincili yakhe ngethuba ethetha ngohambo lwentombi yakhe emculweni.

Udize ukuba uSiphesihle kudala ekulangazelela ukushicilela, esoloko emculela ekhaya ecela nethuba lokuzibonakalisa.

“Elona xesha lide endiculela endicela ukuba ndimshicilele, unesiphiwo kwaye uyimvumi echubekileyo, Ndithembe qho xa endothusa ngendlela acula ngayo kwiminyaka yakhe,” utshilo uBig Zulu.

Utata onebhongo wachaza ukuba le projekthi ekuqaleni yayiyi-EP kaSiphesihle yedwa.

Kodwa wagqiba ekubeni angenelele ukuze amnike isikhokelo esifanelekileyo njengoko engena kushishino lolonwabo.

“Njengoko benditshilo, le bekufanele ukuba yi-EP yakhe; nangona kunjalo, ndibone ithuba lokuba ndimnike isikhokelo esifuneka kakhulu ngezinto ezikwishishini lokuzonwabisa, ”wongeze watsho.

Ngokutsho kukaBig Zulu, uthando lukaSiphesihle ngomculo nomdaniso lukhuthaze isandi sale projekthi, ekwabandakanya uhlobo lwe-3 Step.

Wamchaza njengetalente yendalo ehlala immangalisa.

FUNDA KWAKHONA :UWandi Ndlovu, ucinga ukuphinda abhale iimviwo zebanga leshumi emva kokusilela kwakhe

“Into endiyivileyo xa ecula, ndiyayazi ukuba le yeyona nto kufuneka abantu bayive kuba unesiphiwo esikhulu,” utshilo.

SIFUMANE KUFACEBOOK :Oosaziwayo.facebook.com

I-EP edibeneyo evela kuBig Zulu noSiphesihle icwangciselwe ukukhululwa ngoLwesihlanu, umhla wama-26 kuSeptemba 2025.